झोपड़ी देख भी नहीं तरसे अधिकारी

1 (4)जिला बांदा, ब्लाक नरैनी, ग्राम पंचायत, मजरा दिवली। हेंया का मंगल सिंह इनतान कड़ाके के ठण्डी मा भी झोपड़ी मा रही के बसर करत है। वा बताइस कि वा कइयौ दरकी प्रधान, सचिव अउर बी.डी.ओ. से आवास के मांग कई चुका है।
मंगल सिंह के औरत रन्नो आपन झोपड़ी देखावत कहिस कि पिछले साल जून के महीना मा एस.डी.एम. लेखपाल, सचिव अउर प्रधान मोरे घर का सर्वे कइके लिख लई गे रहैं। कहत रहैं लोहिया आवास मिली, पै पता नहीं लिस्ट से मोर नाम कसत कट गा है।
प्रधान सावित्री पति नत्थू का कहब है-“मैं लोहिया आवास खातिर 28 लोगन के लिस्ट दीने रहौं। जेहिमा सिर्फ पांच आवास पास भे हैं। इं पास आवासन मा मंगल सिंह का नाम निहाय।
नरैनी बी.डी.ओ. रामकिसन कहत हैं कि मंगल सिंह गरीब है। वहिका आवास मिलै का चाही। दुबारा वा गांव जबै आवास अइहैं तबै मंगल सिंह का नाम जरूर शामिल कीन जई।