झाल मा लाग हैण्डपम्प

gaow finalजिला फैजाबाद, ब्लाक मया, गांव अचकवां। हिंआ सरकारी हैण्डपम्प सड़क से पांच सौ मीटर दूर झाल मा लाग बाय जहां पै मनई कै कउनौ आवा गमन नाय बाय।
लक्ष्मण सिंह, मयाराम, फूलबरन कहिन कि मनई राह चलत पानी खातिर तरस जात बाय। सड़क के किनारे पै नलकै नाय मिलत हिंआ यतना झाल झलकुट बाय कि मनई आवत डराथै तौ कैसे पानी पियै सड़क से चार पांच लाठा दूर आये। पता नाय हिंआ हैण्डपम्प लगवावै वाले काव सोचे रहिन। जवन जनता के काम न आय सकै ऐसन गोशाईगंज से बाकरगंज तक लगभग दस नल लाग बाय जवन बिना मतलब लाग बाय।
प्रधान आज्ञाराम वर्मा बताइन कि ई हैण्डपम्प विधायक निधि से लाग बाय। धान के सीजन मा वहि खलिहान लागाथै अउर पीछे चार लाठा के दूर पै सहीद कै मजार बाय लोग हाथ पैर धोइके मजार पै जाथिन। चुनाव के बाद विधायक हर धर्म स्थानों पै हैण्डपम्प लगवाये हईन बरसात के कारण झाल होई गै बाय धान के सीजन मा सफाई होई जाथै।
विधायक अभय सिंह बताइन कि रोड किनारे पै हम यहि नाते हैडपम्प लगवाये बाटि कि आवै जाय वाले मनई पानी पी सकै अगर झाल होय गै अहै तौ बरसात के बाद सफाई करवाय दीन जाये।