झाड़ी मा छिपा पंचायत भवन

taza finalजिला अम्बेडकर नगर, ब्लाक कटेहरी, गांव प्रताबीपुर। हिंआ नौ साल से पंचायत भवन के आस पास झाड़-झंखाड़ उगै से कउनौ काम कै नाय बाय। सरकार कइयौ लाख रुपया खर्च कइके बनुवावाथै लकिन पंचायत भवन मा कहियौ मीटिंग नाय भै।
गांव कै संध्या, रुपा अउर शीतला प्रसाद मौर्य कै कहब बाय कि गांव से एक किलोमीटर दूरी पै बना बाय। यतनी झाड़ी उग आय बाय कि हुंवा जात डर लागाथै। पांच महीना पहिले यहि पंचायत भवन के शौचालय के गड्ढा मा मेहरारू कै लाश मिली रही। सरकार का चाही कउनौ भवन बनवावै से पहिले स्थान अउर दूरी देख लियै। जेसे गंाव कै मनई यकै उपयोग कै सकै। जाय कै रास्ता बाय नाय बाय। पंचायत भवन वकै खिड़की दरवाजा गेट सब खराब होय के टूट गै बाय। खाली दिवार खड़ी बाय। तीन हजार आबादी वाला गांव पंचायत भवन जर्जर हुवय के कारण प्राइमरी स्कूल मा मीटिंग कराथै।
प्रधान लल्लन तिवारी प्रतिनिधि कक्कू पाण्डेय बताइन कि पुरान प्रधान बनवाये रहिन। यस जगह बना बाय कि कउनौ काम कै नाय बाय। कहियौ मीटिंग नाय हुवत जब हुवाथै तौ प्रायमरी स्कूल पै होय जाथै। लकिन साफ-सफाई करवाय जाये।