झाँसी जिले के रसीना गाँव की भारती की मौत बनी पहेली

जिला झांसी, गांव रसीना की भर्ती की मौत 28 जनवरी की सबेरे फांसी लगा के मौत हो गई। घर वालिन के अनुसार भारती ने आत्महत्या करी लेकिन अबे तक कारण को पतों नइ चल पाओ। बबीना पुलिस के अनुसार कोऊ ने थाने में अबे तक शिकायत नइ करी।
श्री देवी भारती की सास ने बताई के हमाई छोटी बहू हती अबे तीन साल ब्याय को भए। न कोनऊ कछू लड़ाई हती। हम खेत पे गये ते और मोड़ा दूध उठाबे गओ इतने में फांसी लगा लई। रोटी बना के धर दई और बस फांसी लगा लई।
रामदेवी अजिया सास ने बताई के हाथन पे राखत तो मोड़ा बो खुद ही पानी भरके लेयात तो नहाबे के लाने और जो खाने सो सब लेयात तो।
गजनाथ पड़ोसी ने बताई के सबेरे लगा लई कोऊ ने चाय तक नइ पी पाई और हल्ला मच गओ। सब जने हारे रत ते बेई दोई आदमी रत ते सीपरी बाजार की हती बच्चा एकउ नइया एक बच्चा भओ तो सो मर गओ तो।

रिपोर्टर- सफीना