झाँसी जिला के बबीना ब्लाक के ग्वाली गाँव का एक यादव परिवार पूरे गाँव पर है भारी

जिला झांसी, ब्लाक बबीना, गांव ग्वाली के सब आदमियन को कबो हे के गांव के ही बीर सिंह दारु पी के हम ओरन के संगे मारपीट करत। और गालीगलौज भी करत हमने बाके खिलाफ बबीना थाने में शिकायत भी करी।
विपक्षी वीर सिंह के भज्जा आदेश सिंह ने बताई के जे सब बाते झूटी हे। उतेई बबीना पुलिस ने मामले को समझौता करवा दओ। प्रीतम ने बताई के दारू पी के परेशान करत और बहुअन बिटियन को गाली देत मना करो तो कत के हम तुम्हे जान से मार देहे। गलत गलत बोलत हे।
राम प्यारी ने बताई के हम बहुए बिटियां पानी भरबे नई जा पात। बाहार नइ निकर पात घर में ही बने रत। हम रोकत सो हमाय आदमी को मारत हे। न हमाय मोड़ा हे हमाई छह मोड़ी हे बताओ हम का करे।
अगर हमाओ मोड़ा होतो तो बो भी आज हमाय सामने ठाडो हो जातो। न हमाई कनऊ बुराई हे न कोनऊ लड़ाई हे। कुआ पे पानी भरबे नई जान देत रोकत हे पूरे गांव को परेशान करे।

रिपोर्टर- सफीना

04/11/2016 को प्रकाशित