जेल मा मरा कैदी

wwजिला बांदा, ब्लाक तिन्दवारी, गांव पिपरहरी। या गांव के राधेश्याम का चिल्ला थाना पुलिस 13 मई का पकड़ के जेल भेज दिहिस। काहे से वहिके ऊपर रिटायर फौजी छेदी सिंह के हत्या का आरोप रहै।
पिपरहरी गांव के छेदी सिंह के लाश 20 फरवरी का बांदा से चिल्ला जाय वाली सड़क मा मिला रहै। जेहिका पुलिस सड़क हादसा मान के मामला रफा दफा कई दिहिस रहै। यहिके बाद गांव अउर परिवार के दबाव मा अउर अनशन करैं से पुलिस राधे श्याम के खिलाफ रपट लिखिस अउर जेल भेज दिहिस। काहे से फौजी का परिवार आज भी बांदा अशोक लाट तिराहा मा अउर आरोपिन के पकड़ैं का लइके अनशन मा बइठ है। 8 जून का सुबेरे जेल के शौचायल बैरिंग नम्ंबर चार मा साफी से लटका राधे श्याम मिला या देख अउर कैदिन के बीच हड़कंप मच गा। उंई तुरतैं जेल अधीक्षक का सूचना दिहिन। अधिक्षक एच.बी. सिंह समेत अन्य अधिकारी भी आ गे अउर राधे श्याम का एम्बुलेंस मा लाद के जिला अस्पताल लइगें। होंआ डाक्टर वहिका मृत घोषित कइ दिहिन। राधे श्याम के बाये हाथ मा जखम रहै अउर पूरे शरीर मा खून लाग रहै। वहिके पास से एक ब्लेट भी मिली है।

रिपोर्टर – मीरा देवी