जेठ करिन मारपीट

mahila mau thanaजिला चित्रकूट, ब्लाक मऊ, गांव अहिरी, पुरवा छिवली। हिंया के बेलकलिया का कहब हवै कि 28 जुलाई का जेठ द्वारिका प्रसाद, श्याम अउर मुन्ना इं तीनौं मिल के मारिन हवैं। यहिके रपट मऊ थाना मा लिखाइगे, पै कउनौ कारवाही नहीं भे आय।

बेलकलिया का कहब हवै कि मनसवा रामभजन के मानसिक स्थिति सही नहीं आय। यहिसे जेठ घर मा नहीं रहैं देत हवै। उंई कहत हवैं कि अपने मइके मा जा के रहै। मैं मइके न जइहांै। मैं हिंया ही रहिहौ। यहिसे तीनौं जेठ गाली गलौज करत हवै अउर मारपीट करत हवैं। यहिसे मोरे अंदरुनी चोटे आई हवै। जेठ
मुन्ना का कहब हवै कि बेलकलिया के साथै कउनौ मारपीट नहीं करिस हवै। वा हमरे खिलाफ झूठै थाना मा रपट लिखा दिहिस हवै।

मऊ थाना के मुंशी जयराम प्रजापति का कहब हवै कि रपट लिख लीन गे हवै। जेठ के खिलाफ 504 ( गाली गलौज) 506 ( जान से मारै के धमकी) के धारा लाग हवै।