जूनियर प्राथमिक स्कूल का खराब हैण्डपम्प

एक साल खराब हैण्डपम्प
एक साल खराब हैण्डपम्प

जिला चित्रकूट, ब्लाक रामनगर, कस्बा राजापुर। हिंया के प्राथमिक स्कूल अउर जूनियर एक जघा हवै। या से दूनौ स्कूल के बीच मा एक हैण्डपम्प रहै। वा हैण्डपम्प एक बरस से खराब हवै। या कारन लगभग दुइ सौ बच्चा अउर मास्टर पानी पियै खातिर राजापुर चैराहा जात हवै। यहै से बी.आर.सी विभाग अउर जिला बेसिक शिक्षा विभाग मा दरखास दीन गे, पै कउनौ सुनवाई नहीं भे आय।
जूनियर स्कूल के हेडमास्टर राबेन्द्र कुमार मिश्र का कहब हवै कि इं दूनौ स्कूल के बीच एक हैण्डपम्प हवै। वा भी एक बरस से खराब हवै। यहै से सब पानी पियै राजापुर चैराहा जाये का परत हवै अउर बच्चन का भी डर बना रहत हवै। सप्लाई पानी एक घन्टा का आवत हवै। पढ़ाई आठ घन्टा होत हवै तौ एक घन्टा के आवय मा का होत हवै। सबै से ज्यादा समस्या जबै मिड्डे मील का खाना बनत हवै अउर बच्चा खात हवै तौ बरतन धोवय मा परेशानी आवत हवै।
या बात का लइके बी.आर.सी. विभाग के समन्वयक अखिलेश कुमार से बात कीन गे उनकर कहब हवै कि या समस्या के सूचना जिला बेसिक शिक्षा विभाग का दीन गे अउर जिला बेसिक शिक्षा अधिकारी का लेटर पैड दीन गा हवै। जबै पास होइ तौ लगवा दीन जई।