जिला फैज़ाबाद के तारुन गाँव में लड़कियां पर छेड़खानी का खतरा, देखे विडियो और जानें वजह

जिला फैजाबाद, ब्लाक तारून, गांव तारून का बाय शौचालय कै इन्तजार। मनइन का शौच के ताई बाहर जाय का
परत बाय। खास कर लड़कियन का बाहर भेजै पै छेड़खानी कै खतरा बना बाय। प्रधान से कइव बार कहै के बाद भी कुछ नाय भा।
गायत्री देवी बताइन की शौच करै बहुत दूर जाय का पराथै पैर मा सूजन हुवय से चलै मा भी दिक्कत बाय प्रधान से बोलै के बादौ सुनवाई नाय भए। बूढ़े अउर गेदहरन का कहाँ भेजै दुवारे पै शौच कै लिया थे फिर फेंकै का पराथै।
मधु सिंह कै कहब बाय कि  हमै तौ बहुत दिक्कत बाय घर मा बूढी सास अहैं अउर जवान बिटिया बाय । एक किलोमीटर दूर जाय का पराथै घर मा जवान बिटिया का बाहर भेजै मा बहुत दिक्कत हुआथै।अगर रात मा कुछ होय जाय तौ बहुत मुश्किल हुवत बाय। रामनिवास कै कहब बाय कि घर मा खुद से शौचालय बनवाये रहेन लकिन ख़राब होइगा अब सबका बाहर एक किलोमीटर जाय का पराथै।
एडीओ पंचायत अशोक कुमार वर्मा बताइन कि 2 अक्टूबर 2018 तक हर गांव मा हर पात्र परिवार के घर शौचालय बनवावै कै लक्ष्य रखा गा बाय।पूरा प्रयास कीन जात बाय की हर गांव का ओडीऍफ़ कै दीन जाय। हमार पूरा प्रयास बाय की सरकार द्वारा निर्धारित समय के पहिले शौचालय बनवाय दीन जाये अउर अपने विकासखंड के सारे गांव का ओडीऍफ़ घोषित कै दियब।
रिपोर्टर–कुमकुम यादव
Published on Feb 8, 2018