जिला पै नाय बाय कीटनाशक दवा

f tazaजिला फैजाबाद, ब्लाक तारुन। धान मा रोग लागै से धान कै पत्ती सफेद होय जात बाय। कीड़ा धान कै सींका काटिके गिराय दियत अहैं। कीटनाशक दवा के नाम पै जिला पै एकौ दवा नाय बाय।
किसान, रामचरन मस्तराम, रामचन्दर के धान मा रोग लाग गै बाय। कीड़ा फसल काटि के गिराय दियत अहैं। किसान ब्लाक के गोदाम पै रोज चक्कर लगावत हईन। काहे से कीटनाशक दवा एक भी नाय बाय। तारुन गोदाम कर्मचारी रामअवतार बताइन कि दुई माह से कीटनाशक दवा नाय बाय। धान मा राइसस्पा रोग लाग बाय। ऊ पानी बरसै से ठीक होये। दवा छिड़का जाये तभौ एक हफ्ता काम करे वकरे बाद फिर वैसे होय जाये।
वरिष्ट कृषि रक्षा सहायक डाक्टर आर.डी. वर्मा बताइन कि साल भर मा दुई बार आंवटन हुआ थै। पिछली साल 100 लीटर कीटनाशक दवा आय रही। 11 इकाई बाय सबपै भेजा गै रहा। तबसे खरीफ के फसल के ताई कउनौ दवा नाय आय। जवन पुरान दवा रही उहै बांटी गै रही। रवी के फसल के ताई यही महीना मा कीटनाशक दवा आय जाये। 15 सितम्बर तक हर इकाई पै पहुंचाय अीन जाये।