जिला चित्रकूट के गौस्वामी कॉलेज में 14 से 15 अक्टूबर को क्षेत्रीय बाल खेल प्रतियोगिता का हुआ आयोजन

चित्रकूट जिला, ब्लाक रामनगर हिंया गोस्वामी कालेज मा 14-15 अक्टूबर का क्षेत्रीय बाल प्रतियोगिता कराई गें हवै। जेहिमा आस पास के गांवन के स्कूलन से 180 बच्चा खेले खातिर आये हवैं। प्रतियोगिता मा खो खो कबड्डी, दौड़ अउर गोला फेंक जइसे सबै खेल खेलायें जात हवैं। जीते वाले बच्चन का इनाम दीन जात हवै। प्रतियोगिता मा स्कूल के मास्टर समेत खण्ड शिक्षा अधिकारी अउर बी आर सी भी आये रहैं।
खण्ड शिक्षा अधिकारी सुनील राजपूत का कहब हवै कि हिंया हर साल रैली होत हवै। पहिले संकुल स्तर मा वहिके बाद ब्लाक स्तर मा फेर जिला स्तर मा रैली होत हवैं। खेल मा सांस्कृतिक कार्यक्रम भी होत हवैं। सहसमन्यक बी आर सी अखिलेश पाण्डेय का कहब हवै कि हर दरकी हमार ब्लाक चैम्पियन आवत हवैं। खेल जरुरी विषय आय। यहिसे बच्चन के स्वास्थ्य खातिर नींक आय। इनतान के सब खेल स्कूल मा बच्चन का खेलाये जात हवै। प्रधानाअध्यापक वेद प्रकाश सिंह का कहब हवै कि 50 मीटर दौड़ मा संगीता का पहिला अउर 200 मीटर दौड़ मा बैदेही का पहिला स्थान मिला हवै।

रिपोर्टर- सहोद्रा

19/10/2016 को प्रकाशित