जिन्दा लोग भेलई मृत घोषित

रामउदय कुमार राय
रामउदय कुमार राय

जिला सीतामढ़ी, प्रखण्ड, पंचायत बथनाहा पश्चिमी, गांव नथुरमणी टोल। इहां पुरे पंचायत में लगभग बारह लोग के पैक्स वोटर लिस्ट में मृत्यु घोषित कर देले छथिन। जबकि उ लोग जिन्दा छथिन।
इहां के बनारसी देवी, रामउदय कुमार राय कहलथिन कि हम अभी जिन्दा छी अउर हमर उमर अड़तीस साल हय। लेकिन वोटर लिस्ट में हमरा मृत्यु घोषित कर देले हय। हम ऐई के लेल थाना में केश भी कईली तईयो नाम सुधार न भेल।
मुखिया पति पंकज कुमार सिंह कहलथिन कि जे लोग कहलथिन उहे हम वोटर लिस्ट में लिख देली लेकिन बाद में पता चलल कि उ लोग जिन्दा छथिन। हम पूर्व बी.डी.ओ. के पास सुधार के लेल गेली। लेकिन उ सुधार न कलथिन। अभी वाला बी.डी.ओ. के पास 12 सितम्बर 2014 के गेली त उ सुधार फाॅर्म देलथिन बाद में आके जमा करे ला कहलथिन। जब 15 सितम्बर 2014 के जमा करे गेली त कहलथिन कि जमा करे के डेट खत्म हो गेलई। लेकिन जे जिन्दा हई उ वोट गिरा सकई छथिन।
प्रखण्ड विकास पदाधिकारी वसंत कुमार सिंह कहलथिन कि 11 सितम्बर के हम अईली ओकरा कल होके मुखिया हमरा पास सुधार के लेल अलथिन। हम समझबई तब न सुधार करबई। 14 सितम्बर अंतिम डेट रहई ओही में उनका आके सुधार करवा लेवे के चाही लेकिन उ 15 सितम्बर के अलथिन तब तक डेट खत्म हो गेल रहई।