जान से मारै मा कसर नहीं

जिला बांदा, ब्लाक महुआ गांव भवई। हेंया के लगभग बीस साल के नत्थू दलित का गांव का बेटा लाल पेड़ मा उल्टा टांग के टट्टी के रास्ता मा डंडा ठूंस  के मारिस है। नत्थू जिन्दगी मौत से जूझत है। आरेपिन का पुलिस जमानत से छोड़ दिहिस है।

नत्थू के महतारी बिरजा बताइस कि बेटालाल पटेल के खेत से 13 अगस्त कि रात टुल्लू चोरी होईगा रहै। वा दलित जान के मोरे लडका का चोरी लगाइस। 14 अगस्त का मोरे घर से पूछताछ का बहाना कइके लड़का का लेव गा अउर पेड़ मा बांध के खूबैं मारिन हैं टट्टी के रास्ता मा डंडा डालिस अउर मिर्चा के धूनी दिहिन हैं। मोर लड़का खून पोंकत है अउर जियैं के हालत निहाय। नरैनी कोतवाली एस.ओ. कृष्ण वीर सिंह कहत है कि उनका मुकदमा लिखा है। धारा 452( घर मा घुसब) 323(मारपीट) 504 (गाली गलौज) 506 (जान से मारैं के धमकी) लाग है। 17 अगस्त का बेटालाल कौषल, रंजीत अउर लल्लू का गिरफतार कीन गा रहै। उंई जमानत से छूट गे हैं।