जानिए, बाँदा के विनोद क्यों दे रहें हैं मीडिया को धन्यवाद…

बांदा जिला, ब्लाक विसंडा,गांव गामा पुरवा उतरवा। विदेश मा काम देवावै के बहाना विनोद का दुबई भेज दीन गा हैं। पै वहिका हुवां कुछौ काम नहीं मिला। तबै विनोद के परिवार वाले एजेन्ट के खिलाफ रपट दर्ज कराइन है। तबै मीडिया के मदद से 10 अक्टूबर का विनोद दुबई से बाँदा लउट आवा हैं।
विनोद बतावत है कि हमका जउन काम के लाने दुबई भेजा गा रहै। वा काम के जघा हमसे लोहा अउर सीमेंट का काम करावा जात रहै। हम दूसर काम से मना करेन तौ कम्पनी वाले मारे के धमकी देत रहै। तबै मैं परिवार वालेन का सूचना दीनेव तौ उंई रपट करिन अउर मीडिया का बताइन। तबै मैं मीडिया के मदद से हेयां वापस आये हौं । एजेंट के लगे आपन रुपिया मांगे गयेंव तौ वा कहत है कि वा रुपिया न देइ । जउन करो का होय वा करो। मीडिया के मदद से आये हौ तौ या चाहत हौ कि उंई मोर जइसे मड़इन के रुपिया देवावै अउर इनतान के एजेंट अउर कम्पनी मा न फंसे यहिके बारे मा मड़इन का जागरूक करैं।
विनोद के महतारी भोड़ी बताइस कि हमार लड़का घर आ गा है यहै कारन हम बहुतै खुश है। हमार लड़का जइसे अबै हुवां अउर मड़ई है फोन करत है रोवत है मीडिया जउनतान हमार लड़का का हुवां से बोला लिहिस है वहिनतान उंई मड़इन का भी वापस बुला लें। हम यहै चाहित हन।

रिपोर्टर- गीता

25/10/2016 को प्रकाशित