जांच के बाद मिलतई जमीन

श्री चंद्र साह
श्री चंद्र साह

जिला सीतामढ़ी, प्रखण्ड सोनबरसा, गांव कन्हौली लक्ष्मीणीया टोला। उहां वार्ड नम्बर दु के श्री चंद्र साह के एकहतर डीसमील जमीन दोसर व्यक्ति हड़प लेले हई। उ तीन बेर कन्हैली थाना में केस कयले रहथिन। कोर्ट से आदेश भी मिल गेल हई लेकिन दबंगता के कारण उ खेत जोतई छथिन।
श्रीचंद्र कहलथिन कि हमरा नाना के बेटा न न रहई। एगो बेटी हमा माई रहथिन। उनके नाम से तीन बिग्हा खेत नाना लिख देलथिन। उ मर गेलथिन। हमर माई उ खेत के बटईया उहां के रामकैलास कापड़, पिता सुकदेव कापड़ के देले रहथिन। माई के मरला के बाद उ खेत के अपना कब्जा में कर लेलथिन। हम सब बच्चा रही कोई खोजे वाला न रहई। जेई कारण उ रसीद भी कटावे लगलई। अब हम सब बड़ा होईली तब अपना खेत पर चढ़ाव कईली। तीन बेर केस भी कईली लेकिन कोई सुनवाई न हई।
रामकैलास कापड़ कहलथिन कि इ गलत बात हई उ हमर खेत हई। उ जबरदस्ती हमरा पर केस क देले हई।
प्रखण्ड अंचल पदाधिकारी सत्येन्द्र दत्त कहलथिन कि ऐई जमीन के कोर्ट से आदेश मिलल हई त हम जांच के लेल जाके देखबई कि सही हई। अगर कोर्ट के फैसला सही होतई त श्रीचंद्र के जमीन देल जतई।