जल्दीय मिलतई राशन कार्ड

rasan
राशन कार्ड

जिला सीतामढ़ी, प्रखण्ड पंचायत बथनाहा पूर्वी, गांव मजगमा, वार्ड नम्बर सात। उहां लगभग दस लोग के राशन कार्ड न हई। जेई कारण उनका सब के बहुत दिक्कत होई छई। लेकिन अभी तक उनका सब के आशा हई कि राशन कार्ड मिलतई।
उहां के रामरती देवी, मरनी देवी, राम अश्रय ठाकुर, गणेश  महतो लगभग बीस लोग कहलथिन कि हमरा सब के राशन कार्ड न हई। अउरों लोग सब कहलथिन कि हमरा सब के पहिले राशन कार्ड रहलक लेकिन अब न हई। हम सब गरीब लोग छी अगर राशन मिलईत त हमरा सब के बहुत सहयोग होतियई। अगर चार दिन नहियों रोजी लगतीयई त केहुना घर चल जाईत। उहां के वार्ड सदस्य दिनेश राय कहलथिन कि जिनका सब के राशन कार्ड न हई, उनका सब के नया कार्ड बन के आ गेल हई। जब वितरण होतई तब उनका सब के मिलतई।
प्रखण्ड विकास पदाधिकारी रजत किशोर सिंह कहलथिन कि जे जनगणना भेलई ओई के अनुसार राशन कार्ड आगेल हई अउर वितरण शुरू भेगेल हई। अगर उनका सब के जनगणना भेल होतई त उनका जरूर कार्ड मिलतई।