जली चार भैंस, एक के मउत

banda gaon - bhainsजिला बांदा, ब्लाक बिसण्डा, गांव कोर्रम। हेंया का कुन्ता राम बताइस कि 29 दिसंबर के रात आगी लागैं से वहिके चार भैंस जल गई हैं। लगभग ढ़ाई लाख रूपिया का नुकसान होइगा है। पै लेखपाल डेढ़ लाख रूपिया का नुकसान लिखिस है।
कुन्ता राम के पत्नी प्रेमा बताइस-“मोर देवरानी चार बजे सुबेरे गेहूं पीसै जागी। वा बताइस कि भैंसिन के ऊपर आगी लाग है। गाभिन भैंस 30 दिसंबर का मरगे। वहिके बियाय का समय भी चलत रहै। दूसर भैंस गम्भीर रूप से जल गे है। पूरा देंह लाल परी है। चारा पानी छोड़ दिहिस है। तीसर अउर चउथी भैंस भी जल गई हैं। तीनौ का इलाज चलत है। आगी कसत लाग या कउनौ लगा दीन पता निहाय। हम यहिके सूचना पुलिस मा दीन हैं, पै होंआ से भैंसन का पोस्टमार्टम खातिर मदद मिली है। पुलिस का आगी लगावैं वालेन का पता लगावैं का चाही।”
लेखपाल वीरेन्द्र कहत है कि मैं जांच करैं मउके मा गये रहौं। डेढ़ लाख रूपिया का नुकसान के रिपोर्ट बना के बबेरू तहसील मा भेज दीने हौं। भैंस का पोस्टमार्टम खातिर भेज दीन गा है।