झांसी के बबीना में सड़कों की हालत बेहाल, अधिकारी जी नारियल फोड़ने और उदघाटन के इंतज़ार में

जिला झांसी, ब्लाक बबीना के आदमी परेशान हे और सब की जवान पे जोई मुद्दा चल रओ। आदमियन को केबो हे के केऊ सालन से उनकी एक सड़क की मरम्मत नइ करी गयी। जा सड़क से केऊ गांव के आदमीयन  को आबो जाबो हे लेकिन सड़क पे गड्डा होबे के मारे पैदल और गाड़ी से निकरबो भी मुश्किल हे। आदमियन  को तो अब सरकार से कोनऊ उम्मीद नइया।जिला झांसी,  ब्लाक बबीना बबीना ब्लाक के आदमी परेशान हे और सब की जवान पे जोई मुद्दा चल रओ। आदमियन को केबो हे के केऊ सालन से उनकी एक सड़क की मरम्मत नइ करी गयी। जा सड़क से केऊ गांव के आदमीयन  को आबो जाबो हे लेकिन सड़क पे गड्डा होबे के मारे पैदल और गाड़ी से निकरबो भी मुश्किल हे। आदमियन  को तो अब सरकार से कोनऊ उम्मीद नइया। गंगाराम ने बताई के इते पैदल चलबे में भी परेशानी होत रोज के एक दो आदमियन के तो पांव में चोट लगत ही रत। मनोज और आनंद कुमार ने बताई के कोऊ भी नइ  निकर पात। दूध वाले भी नइ निकर पात बोहतई गाड़ी गिर गिर जाती। न मंदिर जा पात। इते केऊ नेता आय सब देख देख के चले गये लेकिन कोऊ ने कछू नइ करवाओ। मोनी शर्मा ने बताई के बोहतई एक्सीडेंट होत इते पहले नाली बनने चाहिए फिर सड़क बनने चाहिए। अगर पानी बरस जात तो बच्चा स्कूल भी नइ जा पात इतनी गंदगी हो जात के सुअर भी घर तक आ जात। सियाराम ने बताई के पच्चीस साल हो गयी। जब से एसी ही डरी। निकर नइ पात। भारत सिंह जिला पंचयात सदस्य ने बताई के वो सड़क माननीय योगी जी द्वारा संकल्प लओ गओ बे  सब गड्डा पंद्रह जून तक भर जेहे। और बा सड़क को प्रस्ताव बन चुको उते सौ मीटर दूर तक जिला पंचयात से सी सी  डलवा रए। बकाया आठ सौ मीटर डामर सड़क डलवा रए। उते सी सी डलवाना जासे जरुरी हे काय के उते बोहतई गंदगी हे। और उते को हमे ही उद्घाटन करने और हम ही नारियल फोड़ हे।

रिपोर्टर- सफीना

08/06/2017 को प्रकाशित