जर्जर भवन मा हुअत पढ़ाई

05-08-15 Ambedkar Nagar - Katehri Schoolजिला अम्बेडकर नगर, ब्लाक कटेहरी। प्राथमिक विद्यालय मा जाए कै रास्ता न हुवय से गेदहरन का जर्जर भवन मा पढ़ाई करै का परत बाय। जबकि नया विद्यालय बने दसन साल होइगा लकिन रास्ता नाय निकरा।

दिलीप, चमन अउर कमल किशोर कै कहब बाय कि नया विद्यालय बने दस साल होईगा लकिन अबहीं तक रास्ता नाय पास भै बाय। बरसात कै मौसम बाय। जर्जर भवन मा अपने गेदहरन का भेजत डर लागाथै। कवन मेर गेदहरन का भेजा जाए। जब तक भवन न गिरे नये विद्यालय मा ना जाय का मिले।

विद्यालय कै प्रधानाध्यापक नरसिंह नारायण बताइन कि सरकारी आदेश होइगा बाय कि पुरान बिल्डिंग गिराय दीन जाए। जबकि कार्यदायी संस्था द्वारा नये भवन कै हैण्ड ओवर भी कै दीन गै बाय।

बी.आर.सी. डाक्टर राजबहादुर मौर्य बताइन कि कि अबहीं हम यहि सत्र से आय हई। जल्दी ही रास्ता खोलवाय जाये।