जमीन का लइके मारपीट

DSCN2323जिला बांदा, ब्लाक नरैनी, ग्राम पंचायत पिपरा, मजरा रनखेरा। हेंया देवीदीन अउर रामस्वरूप के बीच जमीन का लइके 5 जनवरी 2015 का मारपीट भे है। या मामला के रपट देवीदीन कालिंजर थाना मा करिस है। पुलिस या मामला मा कारवाही करिस है।
देवीदीन कहत है-“मोरे जमीन मा रामस्वरूप भंैस बाधे रहै। मना करैं मा हमैं परिवार समेत कुल्हाड़ी अउर सबरी से मारिस है। यहिसे हाथ का गाभा फाड गा है अउर लड़का के खपरी फाट गे है। मोरे औरत के हाथ मा चोट आई है। वा हमका दूसरे दरकी मार चुका है। अगर यतने मा न मानी तौ अउर कारवाही करब।”
कालिंजर एस.ओ. अनिल कुमार कहत है कि देवीदीन अउर वहिके परिवार के डाक्टरी करा दीन है। रामस्वरूप अउर वहिके लड़का का धारा 151 (एक मामला मा पांच से ज्यादा लोगन का शामिल होब) के तहत जेल भेजा गा।