छह महीना से टूट परी पुलिया

johar pur2 copyजिला बांदा, ब्लाॅक तिन्दवारी, गांव जौहरपुर। या गांव से तिन्दवारी जाये वाली सड़क के पुलिया छह महीना से टूट है। अधिकारिन का सूचना मिलै के बाद भी या पुलिया बनवावैं के कउनौ खबर निहाय।
गांव के रामसेवक अउर फूलचन्द्र का कहब है कि जौहरपुर से तिन्दवारी तक मा या सड़क से बीसन गांव का जोड़ैं वाली या मेन सड़क आय। यहिमा रोज का हजारन साधन चलत हैं। पुलिया दूनौं कइत से टूट है। अगर साधन भी दूनौं कइत से बराबर आ गे तौ पैदल अउर साइिकल वालेन का निकरब मुश्किल होई जात है। यहिसे सोचत हन कि या पुलिया जल्दी बन जाय। अगर पुलिया न बनी तौ कउनौ भी बड़ी घटना होई सकत है।
पी.डब्लू.डी. विभाग खण्ड (दो) के जेई महेश प्रसाद का कहब है कि दुई महीना पहिले प्रस्ताव बना के लखनऊ लोक निर्माण विभाग भेज दीन गा है। बजट पास होय के बाद काम शुरु होई।

रिपोर्टर – शिवदेवी