छह महीना बादौ नाय मिला आधार कार्ड

taza3 finalजिला फैजाबाद। छह महीना पहिले   आधार कार्ड बनै कै फार्म स्कूल पै भरावा गै रहा। वहि समय न पर्ची मिली रही न ही अबहीं तक आधार कार्ड बनिके आय।
पूराबाजार के ग्रामसभा षाहनेवाजपुर, तिवारी का पुरवा, बिजलिया डीव मा छह महीना भा फार्म भरे अबहीं तक आधारकार्ड नाय मिला। यहि के मनई रामदयाल, सुनील, रूपरेखा कै कहब बाय कि प्राइमरी स्कूल पै छह महीना पहले कैम्प लाग रहा। जेहमा मनइन कै आधार कार्ड बनत रहा। तबै हमरेव सबकै फार्म भरागै रहा। कउनौ रसीद नाय मिली रही। बतावा गै रहा कि डाक द्वारा सबके घरे आये। लकिन छह महीना बीत गा अबहीं तक आधार कार्ड नाय मिला। अब तौ जगह-जगह आधार कार्ड कै काम लागाथै।
बी.एल.ओ. गीता देवी बताइन कि अबहीं केहू कै आधार कार्ड नाय आय बाय। आये तौ दीन जाये। प्रधान नंगा यादव बताइन कि हिंआ कै मनईन का पर्ची नाय मिला रहा। अउर न ही अबहीं तक कार्ड मिला। यही कारण फिर से 19 जनवरी से प्राइमरी स्कूल पै कैम्प लागे। अउर जेकै आधार कार्ड नाय बना रहा वहू कै अबकी बन जाये।