चोरी कै भै खुलासा

f kasbaजिला फैजाबाद, ब्लाक मया। गोशाईगंज थाना क्षेत्र के अकारीपुर अमसिन रास्ता मा पांच नवत्बर 2015 कै दूर संचार कर्मचारी संतराम से सत्तर हजार रुपया चोर लूट लिहे रहिन। एकर खुलासा गोशाईगंज पुलिस 22 नवम्बर का करिन।
सी.ओ. सदर अरूण कुमार बताइन कि रामापुर गद्दोपुर कै रहै वाला संतराम से शेखपुरा गंाव के लगे बाइक सवार बदमास सत्तर हजार रूपया लूट लिहिन। यहि घटना मा अहिरौली थाना क्षेत्र के गंाव शाहपुर कै रामकृष्ण शामिल रहिन। इनका पुलिस गिरफ्तार कई लिहिस। पूछताछ मा घटना मा जेतना जने शामिल रहिन सबका बताइन। गौरा वसन्तपुर कै अरविन्द इब्राहिमपुर थाना के बलरामपुर गंाव कै संदीप। गोशाईगंज थाना क्षेत्र के अमसिन बाजार कै रहै वाला नीरज भी शामिल रहिन। पुलिस कै कहब बाय कि दूरसंचार कर्मचारी के बाइक के डिग्गी से रूपया से भरा बैग निकाल लिहे रहिन। जब ऊ मनई चाय पीयै दुकान पै चला गै रहा। सूजा से उनकै बाइक पंचर कई देहे रहिन। रामकृष्ण के पास से ढाई हजार रूपया एक अद्द तमंचा दुई कारतूस, एक पल्सर बाइक बरामद भै।