चौंतीस लोग, एक रसोईया

रसोईया लालपरी देवी
रसोईया लालपरी देवी

जिला शिवहर के पूनर्वास केन्द्र में एगो रसोईया हई। जेई कारण खाना बनावे में दिक्कत हो रहल हई। जबकि ऐतने बच्चा पर पहिले दु गो रसोईया रहलई। लेकिन अब एक ही रसोईया के ओतना बच्चा के खाना बनावे के परई छई।
पूर्णवास केन्द्र के रसोईया लालपरी देवी कहलथिन कि हम सतरह बच्चा अउर सतरह बच्चा के माई कुल चैतीस लोग के खाना बना के देवे के परईय। दिन-रात काम करे के परईय। ऐतने लोग के पहिले खाना बनईत रहलई त दु लोग बनबईत रहलीय। तब सुविधा होईत रहलक। अब एगो रसोईया के हटा देल गेलई जेई कारण खाना बनावे में दिक्कत हो रहल हई। एक त ठंढ़ा के मौसम हई। अति कुपोषित बच्चा के हर तीन घण्टा पर गर्म खाना देवे के परई छई।
सी.बी.सी. सुनील कुमार कहलथिन कि अईसे त कर्मी कम कर देवे से सब लोग के काम में दिक्कत हो रहल हई। लेकिन रसोईया के ज्यादा परेशानी हो गेल हई।
जिला समन्वयक सुनील कुमार कहलथिन कि इ त सरकार के आदेश अलईय कि एक ही रसोईया के रखे के हई त हम की कर सकई छी।