चूजे नहीं मिलने से चित्रकूट जिले के जमिरा कालोनी के लोग परेशान

स्वरोजगार का बढ़ावै खातिर प्रधानमंत्री रोजगार योजना के तहत चित्रकूट जिला के गांव कोनिया, मजरा जमीर कलोनी मा अक्तूबर 2017 मा मुर्गी पालन का फार्म भरावा गा रहै पै छह महीना होय के बादौ चूजा नहीं मिले आहीं।
छोटेलाल का कहब हवै कि फार्म भरे बहुतै दिन होइगें हवै पै अबै तक कुछौ नहीं मिला आय। हम डलिया बनाके आपन पेट पालित हवै। प्यारेलाल का कहब हवै कि मुर्गी पालन मा नियम बताइन रहै कि एक महीना मा बच्चा मिल जइहैं अउर खवावै खातिर दाना भी दीन जई। चुन्नी बाई का कहब हवै कि मुर्गी पालन का फार्म भरे से कउनौ फायदा नहीं मिला आय, काहे से अबै तक कउनौ धंधा पानी नहीं भा आय।
पशु अस्पताल के चिकित्सक डाक्टर बी. के. पांडे का कहब हवै कि जउन मड़इन का नहीं मिला तौ अप्रैल मा दीन जई।

रिपोर्टर- सुनीता देवी

Uploaded on Apr 4, 2018