चुनावी दुश्मनी से लोगन का जियब मुश्किल

b chunavi ranjis kharocजिला बांदा, ब्लाक महुआ, गांव खरौंच। हेंया के राजरानी का आरोप है कि गांव का राजकुमार पंचायत चुनाव हर जाय से गांव मा आतंक मचाए है। 20 दिसंबर का वहिका अउर वहिके बहू गीता का भी यहै बात का लइके मारिस अउर गाली गलौज करिस। तबै वा नरैनी कोतवाली मा दरखास दीने हौं। राजरानी बताइस-“20 दिसंबर का सुबेरे लगभग 10 बजे मैं गोबर डारैं जात रहौं। तबै राजकुमार के महतारी गाली देत कहिस कि मड़ई हमका वोट नहीं दीन अगर हमरे खेतन मा टट्टी जई अउर रास्ता से निकरी तौ नींक न होई। मैं कहंव कि हम तुमका ही वोट दीन है। यतने मा वहिका लड़का राजकुमार आवा अउर मोहिका पकड़ के मारैं लाग।”
मोर चिल्लाय के आवाज सुन के बहू आई तौ वहिका भी मारिस है। जबै से वा चुनाव हार गा है तौ गांव मा गरीब मड़इन का रहब मुश्किल करे है।
प्रधान शिवनरायण पटेल कहिस कि 15 दिसंबर का सुबेरे 9 बजे खरौंच के मजरा लालाराम का पुरवा मा कइयौ लोगन के जानवर छोर के भगा दिहिस रहै अउर गाली गलौज करिस रहै। कोतवाली मा दरखास दीन, पै पुलिस कउनौ कारवाही नहीं करिस। नरैनी कोतवाली के पुलिस कहिस कि सूचना आई रहै। पुलिस जांच खातिर गे रहै।