चित्रकूट जिले में नाली कि गन्दगी फैला रही है लाखो बीमारियाँ

जिला चित्रकूट ब्लाक कर्वी का कुंजनपुरवा मा लगभग तीन से चार साल से इतनी ज्यादा गंदगी हवै। होइने मड़ई रहत हवै, न तौ नाली आय अउर न तौ सड़क आय।
सुनील मौर्या बताइस हवै कि सबै जघा पानी भर जात हवै। छोट-छोट बच्चन का बरसात मा स्कूल जाय मा बच्चा गिर जात हवै, यहै से बहुते दिक्कत होत हवै। कलावती बताइस हवै कि बरसात मा निकरै मा बहुते परेशानी होत हवै। गिर जात हौं, तौ दवाई करावे जायें का पड़त हवै। आशा रैकवार का कहब हवै कि हिंया रिश्तेदार नहीं आवत आहीं या रोड का देख के लउट जात हवैं। हिंया मड़ई आपन लड़का लड़की के शादी करै से डेरात हवैं। हम हिंया माटी पाथर डारके निकरित हवै। हिंया के अतर-दूसर दिन नाली साफ करित हवै। अर्चना बताइस हवै कि कइयों दरकी प्रधान से कहे हन, तौ सुनतै नहीं आय, तौ का करी?
सांसद प्रतिनिधि सुशील चतुर्वेदी का कहब हवै कि जउन समस्या हवै, वहिका निराकरण बहुते जल्दी होई जई। भारत सरकार के तहत या समस्या का समाधान कीन जई।

रिपोर्टर: सहोद्रा

Published on May 11, 2018