चित्रकूट जिले के सीतापुर चौकी में दरिन्दे ने हाँथ पैर बाँध 15 साल की नाबालिग के साथ किया बलात्कार

चित्रकूट जिला के सीतापुर चौकी के लगे एक पन्द्रह साल के नाबालिग लड़की के साथै बलात्कार के घटना सउहें आई हवै। या घटना 2 अप्रैल का वा समय भे हवै जबै लड़की रात के आपन घर से पेशाब करै खातिर बाहर गे हवै।
लड़की का कहब हवै कि जबै मैं बाहर निकली हौं तौ नीरज मोर मुंह दबा के आपन घर लइगा हवै अउर हाथ-गोड़ बांध के मोरे साथै बलात्कार करिस हवै। नीरज अउर वहिके महतारी मोहिका बहुतै मारिन हवै, मैं हाथ जोड़त रहिहौं तबहूं उन्हें दया नहीं आयी आय। उंई धमकी देत रहै कि घर मा न बताये नहीं तौ तोरे परिवार वालेन का जान से मार देबै। वहिके महतारी अउर दादा का लड़का मोहिका छोड़ गे हवै। चाची का कहब हवै कि ग्यारह बजे से गायब लड़की के बारें मा हमें बारह बजे पता चला हवै अउर वा तीन बजे घर आई हवै। घटना के बाद हमरे लगे गांव का कोटेदार अउर प्रधान आये हवै। हम चाइल्ड लाइन अउर सौ नम्बर का फोन करे हन। महतारी बताइस कि जबै मोर लड़की पेशाब करै गे रहै तबै वा वहिकर मुंह पकड़ के लइ गा हवै अउर बलात्कार करिस हवै।
सीओ बिजेंद्र दिवेदी का कहब हवै कि लड़की का बाप मुकदमा लिखाइस हवै। लड़की के मेडिकल जांच करा दीन गें हवै। आरोपी पकड़ गा हवै। रेप अउर पास्को एक्ट के तहत धारा लाग हवै।

रिपोर्टर- नाजनी रिजवी

Published on Apr 5, 2018