चित्रकूट जिले के लोहदा में आयोजित दंगल में देश भर के कई पहलवानों ने आजमाई अपनी पावर

जिला चित्रकूट, ब्लाक पहाड़ी, गांव लोहदा। त्यौहार के मौसम मा खाना रामलीला तौ होइगा अब दंगल भी देख लीन जायें। हर साल दुर्गा नवमी के दिन हिंया दंगल होत हवै जेहिमा उत्तर प्रदेश, पंजाब, हरियाणा अउर जम्मूकश्मीर से तिरालिस पहलवान के जोड़ा दंगल मा लड़े खातिर आये हवैं। या दंगल मा जम्मू कश्मीर से आये याकूब अउर बब्बी पहलवान पहिला नम्बर मा आये हवै। इं पहलवानन का चार-चार हजार का इनाम मिला हवैं।
दंगल कमेटी लीडर जगदीश गौतम का कहब हवै कि हमार गांव मा पचास साल से दंगल होत हवै। मां भगवती के दरबार मा मड़ई दर्शन करे आवत हवै अउर दंगल का भी आनन्द लेत हवैं।पहलवानी करे से बच्चा अउर जवानन का मानसिक अउर शारीरिक फायदा मिलत हवैं।
जम्मू कश्मीर के पहलवान बब्बी का कहब हवै कि मैं कानपुर अउर लखनऊ मा भी पहलवानी करे गये हौं पंजाब मा मोहिका बुलेट मोटरसाइकिल अउर दुइ लाख रुपिया इनाम मिला हवै। फतेहपुर का पहलवान राकेश कुमार का कहब हवै कि मैं पांच साल से दंगल मा भाग लेत हौं। तिंदवारी गांव का राममिलन यादव बताइस कि मैं चार साल से हिंया दंगल देखे आवत हौ दंगल देखे खातिर हिंया बहुतै मड़ई आवत हवैं।

बाईलाइन- नाजनी रिजवी

03/10/2017 को प्रकाशित