चित्रकूट जिले के रेहूंटा गांव के भोंदू का पुरवा में महिला की आग लगने से मौत

जिला चित्रकूट, ब्लाक कर्वी के रेहुंटा गांव के भोंदू के पुरवा मा 17 दिसम्बर का सुनीता के आगी लागे से मउत होइगें हवै।ससुराल वाले यहिका आत्महत्या बतावत हवैं अउर मइके वाले या मउत का हत्या बतावत हवैं। या घटना के बारे मा एसपी गोपेन्द्र प्रताप का कहब हवै कि मड़ई आरोप लगावत हवैं वहिके शादी का पन्द्रह साल होइगे रहैं तौ कउनौ धारा नहीं बनत आय।
सुनीता का बाप मलखान बताइस कि रपट लिखावै खातिर तीन दरकी गये हौं पै हमार रपट नहीं लिखी जात आय। हमरे ऊपर समझौता का दबाव दीन जात है।
सुनीता का मनसवा रामराज का कहब हवै कि दुइ लड़का रहै एक खतम होइगा रहै तौ वहिकर दिमाक ठीक नहीं रहत रहै। यहै कारन खाना बनावत दरकी या घटना होइगे हवै। जेठ रामकिशन का कहब हवै कि लड़का का खाना बनाइस हवै अउर घर का पूर काम करिस हवै।पै पता नहीं खाना बनावत समय कसत या घटना होइगें हवै।

रिपोर्टर- नाजनी रिजवी

Published on Dec 28, 2017