चित्रकूट जिले के रामनगर स्कूल में चोरी, लड़कियों को आज तक कुछ नहीं मिला

16 अक्टूबर 2017 को प्रकाशित
जिला चित्रकूट, ब्लाक रामनगर, गांव सीकरी। पूर्व माध्यमिक विद्यालय मा लगभग पांच साल पहिले चोरी होइगे रहै। तबै सिलाई मशीन कम्प्यूटर अउर साइकिल सब चोरी होई गा रहैं। यहै कारन स्कूल के लड़कियन का कुछौ सुविधा नहीं मिल पावत आय। हेडमास्टर उमेश प्रकाश का कहब हवै कि पुरान हेडमास्टर ललिता देवी के समय मा चोरी भे रहै रजिस्टर मा भी लिखा हवै अपने रुपिया से स्कूल का कुछ सामान खरीदें हौं।
स्कूल के लड़की सुनैना अउर काजल का कहब हवै  कि  हमें स्कूल मा कुछौ  सामान नहीं मिलत आय जउन सामान लड़कियन खातिर आवा रहै कम्प्यूटर अउर साइकिल कुछौ चीज के सुविधा नहीं मिली आय काहे से सब सामान चोरी होइगा हवै।
संकुल प्रभारी वेद प्रकाश सिंह का कहब हवै कि चोरी के जांच कीन गे रहै स्कूल खातिर जउन जरूरी चीज रहै दइ दीन गे हवैं।
खण्ड शिक्षा अधिकारी जितेन्द्र कुमार का कहब हवै कि मोरे कार्यकाल मा चोरी नहीं भे आय।जांच कराई जई तबै पता लागी।

बाईलाइन-सहोद्रा