चित्रकूट जिले के रामनगर में स्वच्छ भारत मिशन का कड़वा सच, नहीं होती है सफाई

जिला चित्रकूट, ब्लाक रामनगर, कस्बा रामनगर। प्रधानमंत्री भारत का स्वच्छ बनावै खातिर स्वच्छता अभिमान चलाइन हवैं। पै हिंया तौ तीन चार महीना से सफाई नहीं भे आय।आस पास दुकान अउर होटल हवैं जेहिसे गन्दगी के कारन हिंया तक बदबू आवत हवै। अउर बीमारी फइलत हवै।
ए.डी.ओ पंचायत रामलाल मिश्रा का कहब हवै कि हमार विकासखंड मा पच्छत्तर सफाई कर्मी हवैं।जेहिमा हर गांव खातिर पन्द्रह-पन्द्रह सफाई कर्मी के टोली भेंजी जात हवैं। जेहिसे हर गांव मा सफाई होत हवै। भैयालाल का कहब हवै कि सफाई कर्मी हिंया सफाई करै नहीं आवत आहीं या प्रधान के कमी आय। गन्दगी के कारन बदबू फइलत हवै।
सुमन बताइस कि गन्दगी के कारन सर्दी,जुकाम बुखार होत हवै अउर फोड़ा फुंसी भी निकलत हवै।प्रधान से सफाई खातिर कहित हन पै वा सफाई नहीं करावत आय।

बाईलाइन-सहोद्रा

26/09/2017 को प्रकाशित