चित्रकूट के खटवारा गांव में आपके जानवर बीमार है? तो जाइए प्राइवेट अस्पताल, सरकारी कैम्प का तो अता पता नहीं है

जिला चित्रकूट,ब्लाक रामनगर,गांव खटवारजुलाई के महीना मा पशु विभाग कइत से जानवरन के टीका लगावै का काम शुरू होइ जात हवै पै दुइ महीना होय के बादौ जानवरन के टीका नहीं लाग आहीं।यहै कारन मड़इन का प्राइवेट अस्पताल मा 5 रुपिया दइ के टीका लगावत हवैं।पशु अस्पताल के डाक्टर संजय सिंह का कहब है कि गांव के सूचना दे के बाद टीकाकरण कीन जात हवै।
पहाड़ी ब्लाक के बछरन मा टीका लगवावा गा हवै यहिके बाद रामनगर ब्लाक मा टीकाकरण कीन जई।कमला देवी बताइस कि मोर 4 हजार का बकरा मर गा काहे से वहिके मुंह मा कीड़ा पड़ गे रहै।अब बकरी का भी यहै बीमारी हवै।काहे से या साल जानवरन के टीकाकरण खातिर कउनौ सरकारी कैम्प नहीं लगावा गा आय।
सवरिया अउर सकुनिया का कहब है कि डाक्टर नहीं आवत तौ केहिसे आपन जानवरन का टीका लगवाई।जानवरन के बीमारी फइल गे हवै जेहिसे प्राइवेट दवाई करावत हन।जेहिमा 4 से 6 सौ रुपिया लागत हवै समय से टीकाकरण होइ जात तौ हमार जानवरन के बीमारी न होत अउर न उनके जान जात।

रिपोर्टर–सहोद्रा 

25/08/2017 को प्रकाशित