चित्रकूट जिले के राजापुर में, यात्री घर बना पशुशाला

जिला चित्रकूट,ब्लाक रामनगर, गांव बांधी दस साल पहिले हिंया यात्री घर बनावा गा रहै पै आज यहिके हालत बहुतै ख़राब हवै काहे से यात्री घर बहुतै जर्जर होइ गा हवै अउर हिंया गंदगी का भंडार लाग हवै। कुछौ मड़ई यात्री घर मा आपन सामान रखे हवैं जेहिसे यात्रिन का बइठे तक का जघा नहीं आय।प्रधान प्रतिनिधि अमित कुमार का कहब हवै कि यात्री घर  अधूरा पड़ा हवै मरम्मत नहीं कराई गे आय मड़इन से कइयौ दरकी जघा खाली करे का कहा गा हवै पै उंई सुनत नहीं आहीं।
बल्लू बताइस कि कर्वी से इलाहाबाद तक जायें खातिर या सड़क आये हिंया सात बजे से बारह  बजे तक बहुतै सड़क  चलत हवै पै यात्री घर मा सुविधा न होये से यात्रिन का बहुतै परेशान होय का पड़त हवैं।वीरेंद्र बताइस कि यात्री घर बनावे खातिर जउन रुपिया मिला रहै वहिकर पचास प्रतिशत रुपिया खा लीन  गा रहै अउर पचास प्रतिशत मा यात्री घर बना हवै। चुन्कू का कहब हवै कि हमार सामान न भीगे यहै कारन यात्री घर मा रखे हौं। ब्लाक प्रमुख बालमुकुंद पाण्डेय का कहब हवै कि प्रधान बी.डी.ओ. से बात कइके यात्री घर से जल्दी अवैध कब्जा हटावा जई। मरम्मत खातिर डी.एम.का दरखास दीन जई।

बाईलाइन-सहोद्रा

09/10/2017 को प्रकाशित