चित्रकूट जिले के राजापुर क्षेत्र के पांच लोगों की हत्या का खुलासा

जिला चित्रकूट, ब्लाक रामनगर, गांव अमवां 2 मई का चार बच्चन अउर एक मेहरिया के हत्या करै वाला अवधेश यादव अउर वहिकर मेंहरिया मंटू का पुलिस पकड़ लिहिस हवै।25 अप्रैल का अमान गांव के कछुआ नाला मा दुइ लड़की के लाश मिली हवै अउर अमवा गांव मा एक लड़का एक लड़की के लाश मिली हवै।
26 अप्रैल का अमान गांव मा एक मेहरिया लाल मनी के लाश बोरा मा मिली हवै घटना गलत सम्बन्ध के कारन कीन गे हवै।अमवां गांव के राममोहन यादव, राजकरन अउर कृष्णकुमार का कहब हवै कि तीन लड़की संगीता, रीता, अउर गीता के लाश पुलिया के लगे बोरा मा मिली हवै एक ढ़ाई साल के लड़का किशुन के लाश भी बोरा मिली हवै दूसरे दिना मेहरिया लालमुनी के लाश मिली हवै
लाल मुनि बिहार के रहै वाली रहै वा गुजरात के कच्छ मा आपन मनसवा साथे काम करे गे रहै। पै दुइ साल पहिले वा वहिका छोड़ के चला गा रहै तबै हुवां काम करै वाला अवधेश यादव के साथे रहै लाग लालमुनी अवधेश यादव का अपने साथे रखे खातिर पुलिस के धमकी देत रहै यहै कारन अवधेश यादव अउर वहिके मेंहरिया दुनौ मिल के इ पांच हत्या करिन हवैं।
एस.पी प्रताप गोपेन्द्र सिंह का कहब हवै कि चार बच्चा अउर मेहरिया के हत्यारा अवधेश यादव अउर वहिकर मेहरिया मंटू का पकड़ लीन गा हवै अब अपराधिन का कड़ी से कड़ी सजा दीन जई।

रिपोर्टर- नाजनी रिजवी

03/05/2017 को प्रकाशित