चित्रकूट जिले के मऊ ब्लॉक में गोली मार के छेदीलाल की हत्या कर दी गयी

5 दिसम्बर के रात के बारह बजे जिला चित्रकूट, ब्लाक मऊ गांव बरियारी कला के छेदीलाल के गोली लागे से मउत होइगें हवै। वहिके परिवार वालेन का कहब हवै कि छह महीना पहिले मछली बेंचे के बात का लइ के लड़ाई भे रहै, वहै दुश्मनी के कारन सिकन्दर गोली मार दिहिस हवै। सीओ विनीत सिंह का कहब हवै कि तीन सौ पन्द्रह कट्टा से गोली मारी गें हवै।जांच मा राजबली केवट अउर सिकन्दर का नाम आवा हवै। जांच के बाद कारवाही कीन जई।
छेदीलाल के लड़की फूलमती बताइस कि हम भीतर सोवत रहे हन, हमार बाप बाहर सोवत रहै। जबै गोली लाग तौ चिल्लात रहै कि छाती फाटी जात हवै। मेहरिया निर्मला बताइस कि सीना मा एक गोली लाग रहै एक दरकी चिल्लान हवै कि सिकन्दर गोली मार दिहिस। मछली बेंचत दरकी सिकन्दर का मछली नहीं दीन रहै, तबै मोर मनसवा का खूब मारिन रहै, अब तौ जान से मार डालिन हवै।
पड़ोसी शिवपूजन तिवारी अउर मिर्चीलाल का कहब हवै कि छेदीलाल गरीब रहा हवै अउर खेती मजदूरी का काम करत रहै। रात के पहिले सौ नम्बर पुलिस फेर कोतवाल अउर सीओ आये हवैं।
रिपोर्टर-सुनीता देवी

Published on Dec 6, 2017