चित्रकूट जिले के मऊ थाना क्षेत्र में शौच के लिए गयी लड़की के साथ गाँव के दो लड़कों ने की छेड़छाड़

चित्रकूट जिले के मऊ थाना क्षेत्र मा 8 मई का शौच के खातिर बाहर गे लड़की के साथै, गांव के दुई लड़कन के द्वारा छेड़खानी का मामला सउहें आवा हवै। मामला तुरंत थाने मा अउर 10 मई का एसपी का लिखित तहरीर देय के बाद कउनौ सुनवाई नहीं भे आय। शिकायतकर्ता का आरोप हवै कि आरोपी आए दिन मोहिका धमकावत रहै।

शिकायतकर्ता बताइस कि एक महीना पहिले कुछ नहीं बोला फेर 8 तारीख का मारिस हवै, जबै हम तीनों बहन शौच के बाद घर आवत रहन,तौ हमै उलाहना देत रहै। फेर दूसर दिन जब मैं शौच का गई, तौ मोर सउहें आके बैइठ गा हवै। मैं मना किन्हें तौ मोरे साथै जबरजस्ती किहिस हवै, अउर मोहिका मारपीट के भाग गा हवै। शिकायतकर्ता का बाप का कहब हवै कि लड़की का उलाहना देत रहै अउर मार के भाग गा हवै। या घटना पहिले दुई दरकी होय चुकी हवै। या घटना तीसर दरकी आय भे हवै, कि मोर लड़की के साथै जबरजस्ती किहिस हवै अउर मारपीट कइके भाग गा हवै। रिपोर्ट तीन मड़इन के किन्हें हौं, तौ दुई मडइन के लिखी गे हवै। एक मड़ई पकड़ गा हवै। तीन दिन के बात होइगे हवै, पै सुनवाई नहीं होत आय।

अपर एसपी बलवंत चौधरी का कहब हवै कि छेड़खानी का मामला सउहें आवा हवै। लड़की का बयान अउर लिखित तहरीर दीन गे हवै। साक्षात्कार के अनुसार कार्यवाही कीन जई।

रिपोर्टर: सुनीता देवी

Published on May 14, 2018