चित्रकूट जिले के भौरी गाँव में 10 साल से नहीं हुई नाले की सफाई

जिला चित्रकूट, ब्लाक मानिकपुर के भौरी गांव में दस साल से नाला के सफाई नहीं भे आय। जेहिसे या खुला नाला से बहुतै बदबू आवत हवै अउर बीमारी फइलत हवै। प्रधान प्रतिनिधी का कहब हवै कि तीन दरकी नाला के सफाई करा चुके हौं। अतिक्रमण के कारन नींकतान सफाई नहीं होइ पावत आय।
रामभवन का कहब हवै कि आपन सउहें का नाला पाट लीने हन। गांव भर का कचड़ा यहै नाला से बहत हवै, पै सफाई नहीं होत आय। दातादीन का कहब हवै कि दस साल से सफाई नहीं भे आय। गन्दगी के कारन मच्छर लागत है। कमलेश कुमार का कहब हवै कि दलित बस्ती होय के कारन हिंया सफाई नहीं होत आय। थोड़ी बहुत सफाई कइके कहत हवै कि आपन सफाई खुद करौ। दूसर बस्ती कइत पूर नाला पाट दीन गा हवै, हमार कइत का नाला खुला हवै। सुनील का कहब हवै कि सफाई खातिर रुपिया तौ आवत हवै पै सफाई नहीं कराई जात आय। गीता अउर लवकुश यादव बताइन कि नाला मा गन्दगी भरे से सबै का परेशानी होत हवैं अउर बारों महीना बदबू आवत हवै। बीडीओ आशाराम सिंह का कहब हवै कि सफाईकर्मी न होय के कारन सफाई नहीं होत आय।

रिपोर्टर- सहोद्रा

Published on Jan 9, 2018