चित्रकूट जिले के बाबूपुर प्राथमिक स्कूल के पास बिजली के खम्भे में करंट, बच्चे डरे सहमे

जिला चित्रकूट, ब्लाक पहाड़ी, गांव बाबूपुर प्राथमिक विद्यालय के भीतर बिजली का खंभा हवै जेहिमा करेन्ट फइल जात हवैं जेहिसे स्कूल के बच्चन का बहुतै खतरा रहत हवैं। बिजली विभाग के एस.डी.ओ. राम लखन कहत हवै कि या समस्या के कउनौ शिकाइत नहीं आई आय।
प्रभारी प्रधानाध्यापक केतकी का कहब हवै कि बिजली के खम्भा के पास पेड़ लाग हवै जेहिसे पेड़ मा भी करेन्ट फइल जात हवै। यहै कारन समय-समय मा पेड़ कट वावै का पड़त हवैं। काहे से स्कूल मा पांच से दस साल के बच्चा पढ़त हवै। हर समय बच्चा का देखे का पड़त हवै कि खम्भा कइत न जा पावै। बिजली विभाग मा कइयौ दरकी दरखास दीन गें हवै पै अबै तक सुनवाई नहीं भे आय। स्कूल के बच्चा अमित अउर कृष्ण कुमार बताइन कि बरसात के समय करेंट फइल जात हवै तौ बहुतै डेर लागत हवै।
खाना बनावै वाली कैलाश पति अउर रजनिया बताइन कि हर समय बच्चन का एक जने देखे वाली चाही काहे से स्कूल मा छोट-छोट बच्चा हवै।
बच्चन के महतारी सरोज अउर बाप तुलसीदास का हवै कि बच्चा स्कूल जात हवै तौ हर समय करेन्ट लागे के डेर बनी रहत हवै। कत्तौ तार गिर जाये, कत्तौ बच्चा पेड़ न पकड़ ले तौ करेंट मार दे।

रिपोर्टर- नाजनी रिजवी

Published on Jan 24, 2017