चित्रकूट जिले के बाबूपुर गाँव में जनता कनेक्शन का सच, आ गया 25 हज़ार रूपए का बिल

जिला चित्रकूट, ब्लाक पहाड़ी, गांव बाबूपुर 2008 मा हिंया डेढ़ सौ घरन मा बिजली कनेक्शन भा रहै।या बिजली कनेक्शन, जनता कनेक्शन के तहत कीन गा रहै। जेहिमा अब मड़इन के 25-25 हजार रुपिया बिल आ गे हवैं। विभाग कहत हवै कि जांच कीन जई।
राज बहादुर हरी प्रसाद अउर चुनवाद समेत कइयौ मड़ई बताइन कि 2008 मा जबै कनेक्शन कीन गा रहै तौ कहत रहै कि बिल न अई।10 रुपिया महीना के हिसाब से लागी पै अब कउनौ के 25 हजार तौ कउनो के 20 हजार बिल आवत हवैं, हम गरीब मड़ई येत्ता बिल कसत भर पइबै।
सरोज का कहब हवै कि गरीबी रेखा के मड़इन के घरन मा बिजली कनेक्शन कीन गा रहै।
तबै कहागा रहै1 बल्ब फिरी जली अउर महीना 30 रुपिया लागी पै अचानक येत्ता बिल भेज दीन हवै, तौ कसत भरबै, जबै से बिजली लाग हवै तबै से एकौ दरकी जांच नही कीन गे आय, बिल बस भेज देत हवैं।
एस. डी. ओं. राम लखन का कहब हवै कि रीडिंग के हिसाब से बिल भेजा गा हवैं।नियम के हिसाब से बदल दीन जई।

रिपोर्टर- नाजनी रिजवी

Published on Jan 27, 2017