चित्रकूट जिले के पहाड़ी में खुला पड़ा ट्रांसफार्मर, कई जान जाने के बाद भी प्रसाशन की आँखे बंद

जिला चित्रकूट, ब्लाक पहाड़ी, कस्बा पहाड़ी। बस स्टाप मा कइयौ साल से खुला ट्रांसफार्मर जमीन मा रखा हवै ट्रांसफार्मर के कइयौ तार जमीन मा लटकत हवै। अबै तक कइयौ जानवरन के जान भी जा चुकी हवैं ।जेहिसे हिंया के मड़इन का हमेशा दुर्घटना का डेर सतावत रहत हवैं।
मन्नू बताइस कि जब पानी भरा रहत हवै तबै ज्यादा खतरा रहत हवै। दसन साल से जमीन मा ट्रांसफार्मर रखा हवै अउर हमेशा घटना होत रहत हवै।गम्भीर बताइस कि अबै तक दुइ तीन गाय मर चुकी हवैं।ट्रांसफार्मर हटावें का कइयौ दरकी मांग कीन गे हवै।दिनेश कुमार गुप्ता अउर राकेश गुप्ता बताइन कि ट्रांसफार्मर मा फाल्ट मार देत हवै जेहिसे आगी लाग जात हवै।जबै आगी लागत हवै तौ हम आपन दुकान छोड़ के भाग जइत हन अउर बिजली विभाग का फोन करित हवै।
कुलदीप कुमार विश्वकर्मा बताइस कि ट्रांसफार्मर मा करेंट उतर आवत हवै एक मड़ई का करेंट मार दिहिस रहै।
बिजली विभाग के सहायक अभियंता राजकुमार भारती का कहब हवै कि ट्रांसफार्मर  का  एक हफ्ता  मा उंचाई मा  रखवा दीन जई।

बाईलाइन-नाजनी रिजवी

31/10/2017 को प्रकाशित