चित्रकूट जिले के पत्रकारों ने दिखाया आक्रोश

पत्रकारन के ऊपर हमला होय के कारन 27 मार्च का चित्रकूट जिला के पत्रकार डी.एम. का ज्ञापन दिहिन हवै।
चित्रकूट प्रेस क्लब के अध्यक्ष सत्यप्रकाश दिवेदी का कहब हवै कि मध्यप्रदेश मा एक अउर बिहार मा दुई पत्रकारन के वाहन से कुचल के हत्या कइ दीन गे हवै। मध्यप्रदेश का पत्रकार पहिले से एस. पी. अउर प्रधानमंत्री का आपन हत्या होय के सुचना दइ दिहिस रहै पै वहिके सुरक्षा खातिर कउनौ उपाय नहीं कीं गें आहीं। इनतान के घटना का लइके पत्रकार बहुतै दुखी अउर गुस्सा हवै। यहै कारन काली पट्टी बांधके डीएम का ज्ञापन दीन गा हवै। नेता अउर माफिया के खिलाफ पत्रकार खबर लिखत अउर देखावत हवै तौ यहै कारन साजिश कइके पत्रकारन के हत्या कीं जात हवैं। यहै खातिर हम आपन सुरक्षा खातिर मांग कीने हन कि जउन पत्रकार मांग करत हवै उनका शस्त्र लाइसेंस दीन जायें अउर प्रार्थनापत्र आवै मा तुरतै कारवाही कीन जायें। नियम तौ बहुतै बनें हवै पै पालन नहीं होत आय। हम इनतान न होय देबै अउर दिल्ली तक आन्दोलन कइके दिल्ली का हिला देबै।
डी. एम. विशाख का कहब हवै कि पत्रकारन के समस्या का सुलझावै के कोशिश कीन जई।

रिपोर्टर- नाजनी रिजवी

Published on Mar 27, 2018