चित्रकूट जिले के तुर्गावा गाँव में महीनों से सूखे तालाब, मर रहे हैं जानवर

जिला चित्रकूट, ब्लाक मऊ, गांव तुर्गवां, मजरा गोकुल का पुरवा गर्मी अउतेन सगले पानी के समस्या शुरु होइ जात हवै। या गांव के सब कुंआ तालाब तालाब सूख पड़े हवै। जानवर पानी पिये खातिर आवत हवै पानी न मिले के कारन आपन जान गंवावत हवैं। हर साल गर्मी आवत हवै अउर चली जात हवै। पै पानी कै समस्या जस का तस रहत हवै।
हीरा लाल अउर विमला का कहब हवै कि कुंआ तालाब सब सूख पड़े हवै अउर हैंण्डपम्प से भी पानी नहीं निकलत आय जेहिसे जानवरन का पिये खातिर पानी नहीं मिल पावत आय। यहै कारन जानवर मरत हवै।
छेदी लाल प्रजापति का कहब हवै कि हिंया तीन हैंण्डपम्प अउर एक तालाब हवै। हैंण्डपम्प से थोई थोई पानी निकलत हवै। तालाब तौ फरवरी से सूख पड़े हवै। यहै कारन पानी के बहुतै समस्या हवै।
गर्मी आवत हवै चली जात हवै पै पानी के समस्या खतम नहीं होत हवैं।
ए. डी. ओ शिवाकान्त मिश्रा का कहब हवै कि विकास करावै के लाने 183 तालाब हवै जेहिमा 45 तालाब मा पहिले से पानी भरा रहै। 31 तालाब मा पानी भरावा गा हवै। 87 तालाब मा अबै पानी भरे का हवै जानवर के पानी खातिर चरही बनाई गे हवै। हर गाव मा कउनौ न कउनौ तालाब मा पानी भरा रहत हवै।

रिपोर्टर- सुनीता देवी

24/05/2017 को प्रकाशित