चित्रकूट जिले के घुरेटनपुर गाँव का यह है हाल की बच्चो के लिए पीने तक का नहीं है पानी

जिला चित्रकूट, ब्लाक कर्वी, गांव घुरेटनपुर के प्राथमिक विद्यालय का खुलें आठ साल होइगें हवै। पै अबै तक स्कूल मा पानी के कउनौ व्यवस्था नहीं आय। बच्चन का एक किलोमीटर दूरी कुंआ से पानी लावै का पड़त हवै। यहिसे बच्चन का कुंआ मा भी गिरे के डेर बनी रहत हवैं। प्रशासन या समस्या का आज तक कउनौ हल नहीं निकालिस आय।
शिल्पी बताइस कि हमार स्कूल मा हैन्डपम्प नहीं आय, हम बहुतै दूरी कुंआ से ला के पानी पीत हवैं। कुंआ के पानी मा कीड़ा पड़े रहत हवैं अउर गंदा रहत हवैं। बच्चा कुंआ मा गिर भी सकत हवै। जबै से स्कूल खुला हवै तबै से पानी के समस्या हवै। कउनौ के पेट बिगड़ जाये तौ शौचालय मा पानी नहीं रहत आय।
दक्षा का कहब हवै कि कुंआ के पानी गंदा रहत हवै, पानी मा कीड़ा पड़े रहत हवै।
जमुनिया बताइस कि छोट-छोट बच्चा कुंआ से पानी नहीं भरै पावत आहीं, जबै हम पानी निकाल के देइत हवै, तबहिने पिये पावत हवै।
विद्या का कहब हवै कि बच्चा घर पानी पिये आवत हवै स्कूल मा हैन्डपम्प लाग जाये तौ नींक होइ।
प्रधान प्रतिनिधि शिवपूजन पटेल का कहब हवै कि विधायक से नल लगवावै का कहे हन। काहे से पानी के बहुतै परेशानी हवैं।

रिपोर्टर- सुनीता देवी         

Published on Feb 9, 2018