चित्रकूट जिले की दो महिलाओं की मौत, ह्त्या या आत्महत्या?

13 अक्टूबर 2017 को प्रकाशित

जिला चित्रकूट, ब्लाक कर्वी, गांव कसहाई। सितम्बर अउर अक्टूबर मा हिंया दुइ मेहरियन के मउत का   मामला सउहें  आवा हवैं।नवरात्री मा कुंजनपुरवा के रज्जों के मउत आगी मा जलें के कारन भे रहै। 11अक्तूबर  रात के 9 बजे ए.एन.एम सोमवती का अवधेश कुमार तिवारी अउर नीरज तिवारी गोली से मार डालिन हवैं ।

सोमवती का मनसवा बताइस कि हम मण्डौर गांव के रहे वाले आये  चार  साल पहिले मोर भाई अउर अवधेश कुमार के लड़की भाग गे रहैं  तबै हमें जेल होइगे रहैं पै हम मुकदमा से बरी होइ गये हन।

यहै दुश्मनी के कारन घर दुआर छोड़ के हिंया रहित हन पै तबहूं सोमवती का जान से मार डालिन हवै सोमवती के बिटिया काजल बताइस कि मोर महतारी का पहिले भी जान से मारे के कोशिश कीन गे हवै।

अपर एस.पी बलवन्त चौधरी का कहब हवै कि पुरान दुश्मनी के कारन या  हत्या कीन गे हवै तहरीर लइके कारवाही कीन जात हवै।

बाईलाइन-नाजनी रिजवी