चित्रकूट के रैपुरा में बिजली का करेंट लगने से भैंस की मौत

जिला चित्रकूट, ब्लाक मानिकपुर, गांव रैपुरा हिंया 8 जुलाई का बिजली के खम्भा से करंट उतर आवा यहिसे एक भइंस करेंट लागे से मौत होइगे। भइंस के कीमत लगभग पचास से साठ हज़ार रुपिया के रही हवै । या घटना होय के समय बिजली विभाग वाले गांव नहीं पहुचे रहै।
सुन्दर लाल का कहब हवै कि छोड़ायेंव खम्भा मा करंट उतरे के समय पाहिले एक भइंस के करंट लाग वाहिका लाठी से मार के छोड़ायेव तौ दूसर भइंस के करंट लाग गा। यहिसे वा दरे मा मरगे। मै भइंस का दूध और खोवा बेंच के अपने घर का खर्चा चलावत हौ। बिजली विभाग वाले कउनौ झांके तक नहीं आय हवै। जबै भइंस का फेंक आय रहौं तबै तीन घंटा के बाद विभाग वाले आय रहै।
गांव का दीन बंधु आपन बीती कुछ इनतान कहिस कि या घटना मोरे सउहे भे रहै। भइंस के लगे ठाड़ रहौं इनतान के पहिली घटना गांव मा भे हवै। हम किसान मड़ई आहिन। जानवरन का दूध बेंच के अपने परिवार वालेन का खर्चा चलाइत हन। हमरे खातिर तौ जानवर ही सबै कुछ हवै। जानवर ना होइहै तौ का करबे। सरकार हम जइसे गरीबन खातिर न तौ कउनौ व्यवस्था करत आय। पेट भरै खातिर गरीबन का हरतान के समस्या से जूझै का परत हवै। अगर सरकार गम गरीबन के समस्या खाते करै खातिर ध्यान दे तौ गरीब कत्तौ परेशान नहीं होइ सकत हवै। बिजली विभाग के जेई विजय कुमार का कहब हवै कि फार्म भर के सरकार के लगे भेज दीन गा हवै। हुंवा से मुआवजा अई तौ मिल सकत हवै।
14/07/2016 को प्रकाशित
चित्रकूट के रैपुरा में बिजली का करेंट लगने से भैंस की मौत
बरसात में ऐसे हादसों ने पकड़ा ज़ोर