चित्रकूट के राम नगर ब्लॉक के राजापुर खाटीहा मुहल्ला में कब पटेगा नाला ?

जिला चित्रकूट, ब्लाक रामनगर क़स्बा राजापुर, मुहल्ला खटकाना हिंया के मड़ई कहिन कि लगभग आठ साल से नाला खुला परा हवै। मड़ई राजापुर टाउन एरिया मा नाला मा पटिया धरै खातिर कहिन, पै नाला जस के तस खुला हवै।
मुहल्ला के अनीता देवी का कहब हवै कि नाला खुला होय के कारन हमार छोट छोट बच्चा नाला मा गिर जात हवै। कुछ दिन पहिले मोर लड़की खुले नाला मा गिर गे रहै। यहिसे वहिके छह टाँका लाग रहै। अगर नाला मा पटिया धरा दीन जाये तौ या समस्या खतम होइ सकत हवै।
ननकी का कहब हवै कि या साल बरसात के कारन घर गिर गा हवै। 4 जुलाई का खूबै पानी बरसा तौ नाला भर गा रहै। काहे से कि नाला के सफाई भी नहीं होत हवै।यहिसे नाला के सफाई होब जरुरी हवै।
सधुलिया का कहब हवै कि खुला नाला होय के कारन वहिमा जानवर गिर जात हवै। सबहिन से ज्यादा गाय नाला मा गिरत हवै। गाय गिर जात हवै तौ चार चार दिन तक भूंखी नाला मा परी रहत हवै। जबै मड़ई उनक देखत हवै तबै उनका नाला से निकारत हवै। यहिके बादौ टाउन एरिया वाले नाला मा पटिया नहीं धरावत हवै। खुशबू का कहब हवै कि नाला क पानी घर के भीतर घुस आवा रहै। यहिसे हमार तीन कमरा गिरगे हवै। हमार कउनौ सुनवाई नही होत हवै।
लेखपाल जयसिंह का कहब हवै कि नाला साफ़ नहीं रहै।यहिसे नाला मा पानी भर गा रहैै। जउन लोगन के घर गिरे हवै। अगर सरकार कइती से मुआवजा अई तौ दीन लोगन का दीनजई।
रिपोर्टर- सहोद्रा देवी 
05/08/2016 को प्रकाशित

चित्रकूट के राम नगर ब्लॉक के राजापुर खाटीहा मुहल्ला में कब पटेगा नाला ?