चित्रकूट के रामनगर ब्लाक के छीबो गाँव के किसान बाजार से खरीद रहे महंगे बीज

जिला चित्रकूट, ब्लाक रामनगर, क़स्बा रामनगर बीज भण्डार मा किसानन का बीज नहीं मिलत आय। यहिसे किसानन का बाज़ार से महंगे दाम मा बीज खरीदंै का परत हवै। या कारन से किसान बहुतै परेशान हवैं। किसान बीज भण्डार मा बीज लें खातिर कहिन,पै कउनौ ध्यान नहीं दीन गा हवै।
छीबों गांव के भोला कुमार प्रसाद का कहब हवै कि बाजार से बीज खरीदंै मा ज्यादा रुपिया मा मिलत हवै। अगर बीज भण्डार से बीज मिल जात हवै तौ थोइ कम रुपिया मा मिल जात हवै। हम किसान मड़ई आहिन। तीन साल से किसान सूखा के मार से जूझत हवै। जउन बची कसर रहत हवै। वा बीज भण्डार पूर कइ देत हवै।
यहिनतान राजेन्द्र प्रसाद का कहब हवै कि पन्द्रह दिन पहिले बीज भण्डार से बीज ख़रीदा रहै तौ बीज भण्डार वाले मोहिसे ज्यादा रुपिया लइ लिहिन रहैं। कहत रहैं कि तुम्हार नाम बीज भण्डार मा पंजीकृत नहीं आय। यहिसे ज्यादा रुपिया लीन जई। अगर सरकार के तरफ़ से बीज भण्डार मा किसानन का कम दाम मा बीज दें का नियम हवै तौ काहे का किसानन से ज्यादा रुपिया लीन जात हवै। रामनगर बीज भण्डार प्रभारी विनय कुमार का कहब हवै कि किसान आपन नाम बीज भण्डार मा पंजीकरण करवावै। पंजीकरण करवावै खातिर खतौनी, बैंक के पास बुक, आधार कार्ड के फोटो कॉपी अउर मोबाइल नंबर बीज भण्डार मा या फेर जिला कृषि विभाग मा दें। पंजीकरण होइ जई तौ सस्ते दाम मा बीज मिली।
रिपोर्टर- सहोद्रा देवी
08/08/2016 को प्रकाशित

नहीं मिल रहे सरकारी बीज
चित्रकूट के रामनगर ब्लाक के छीबो गाँव के किसान बाजार से खरीद रहे महंगे बीज