चित्रकूट के राजापुर में नाले के पानी से मकान ढहे लोगों को नहीं मिला पूरा मुआवजा

जिला चित्रकूट, ब्लाक रामनगर, मुहल्ला खटकाना खटकाना मुहल्ला मा एक बहुतै बड़ा नाला हवैं। मा नाला मा बाढ़ आवै से मकान गिर गें रहै। जेहिसे मुआवजा मड़इन का कम मिला हवैं। खबर लहरिया अक्टूबर मा फेर से या खबर के बारे मा जानकारी लिहिन।
कुम्हा का कहब हवै कि हर समय घटना होय का डेर रहत हवैं। हम बाहर सोवत हन। जबै पानी बरसत हवैं। तौ हम रात रात भर बइठ रहित हन। जबै पहिली दरकी पानी बरसा रहै तबै हमार घर गिर गा रहै। घर गिर का हमें बहुतै कम 32 सौ रुपिया मुआवजा मिला हवै। दुबारा मुआवजा के मांग करित हन। अबै तक हमैं मुआवजा नहीं मिला हवै।
अनीता देवी बताइस कि दुबारा मुआवजा ले खातिर हम कर्वी के चक्कर लगावत रहन हन पै मुआवजा नही मिले।
लेखपाल जय सिंह का कहब हवैं कि मौका मा जा के निरीक्षण कीन गा रहै। आठ मकान ज्यादा गिरे रहै अउर 11मकान कम गिरे रहै जेहिके हिसाब से मड़इन का मुआवजा दइ दीन गा हवैं।

रिपोर्टर- सहोद्रा 

05/10/2016 को प्रकाशित