चिकित्सा मित्र मुख्यमंत्री का दिहिन ज्ञापन

UP govermentजिला बांदा। गांव देहात मा आपन अनुभव के हिसाब से चिकित्सा पहुचावैं वाले लगभग एक सैकड़ा डाक्टर दस सूत्रीय मांगन का लइके 9 नवम्बर का डी.एम. के जरिए ज्ञापन दिहिन।
प्राइवे प्राथमिक स्वास्थ्य मित्र मेडिकल सोसायटी के प्रबन्धक डाक्टर डी.के. गुप्ता अध्यक्ष डाक्टर रामकुमार जडि़या का कहब है-“उत्तर प्रदेश मा अनुभव के अधार मा ग्राम अउर देहात मा दवाई करैं वाले लाखन के तादाद मा आर.एम.पी.(रूरल मेडिकल प्रैक्टिशनर्सं) डाक्टर दवाई करत हैं। जहां स्वास्थ्य विभाग अउर प्रदेश सरकार के करोड़न रूपिया खर्च कइके भी इलाज के नींक सुविधा नहीं दई पावत। होंआ इं डाक्टर मड़इन का नींक इलाज करत हंै। फेर भी प्रदेश सरकार अउर स्वास्थ्य विभाग झोला छाप डाक्टर कहिके हमार अपमान करत है। बांदा जिला के मुख्य चिकित्सा अधिकारी छापा मार के अस्पताल बंद करावत हैं। अस्पताल खोले रहैं खातिर सुविधा शुल्क मांग के अवैध वसूली करत हैं। इनतान मा हमार परिवार भुखमरी के कगार मा पहुंच गा है। सिटी मजिस्ट्रेट आर.के श्रीवास्तव ज्ञापन मुख्यमंत्री तक भेजै का भरोसा दिहिन हैं।